امبارح كنت بتكلم مع واحد صاحبي عن الاحداث اللى حصلت فى رفح , و بقوله ان اسرائيل هى المسؤلة والمستفيدة عن اللى حصل و - بغض النظر انه فلول - لكنه كان عمّال يقنعنى ان اللى عمل كده حماس و ان لا يمكن اسرائيل تعمل كده وكان بيدافع عنهم بطريقة عجيبة مش عارف ليه ؟ .. هل لحبه ليهم ولا لكرهه لحماس !!
المصيبة ان التليفويون علمنا ان حماس دول ارهابيين و ان اللى بيدافع عن ارضه المغتصبة واهله بالسلاح يبقى مخرب .. علمنا ان الجهاد ده تخلف و رجعية , علمنا ان اى حد لابس جلابية بيضة ومربي دقنه يبقى مبيضحكش و ابعد عنه لاحسن يخطفك !!
- عموما فى فلسطين لما مرسى كسب كانوا فرحانيين فى شوارعهم زينا بالظبط .. و فى سنة 2008 أهل غزة لما كانوا محاصريين من اسرائيل و قاطعين عليهم الميه و النور كذا يوم ووقتها مبارك مفتحش المعابر عشان يدخلهم مساعدات ساعتها الفلسطنيين مقعدوش يشتمونا !!
- على فكرة حماس وعدت بالرد على اسرائيل بعد ما قتلوا الظباط المصريين من يومين حفاظا على كرامة مصر
- و على فكرة كمان فى فلسطين لما بيحبوا يغيظوا الاسرائيليين بيرفعوا فى وشهم علم مصر :)
احمد صابر
9-8-2012
ليست هناك تعليقات:
إرسال تعليق